CY落區　不停有人加油

特首梁振英（CY）呢排頻頻落區，到咗荃灣、大角咀、旺角、天水圍、元朗、九龍灣同觀塘區探訪，其他區嘅街坊唔使失望，尋日終於到新界東喇！特首到大埔、粉嶺、沙頭角，同市民見面傾偈。市民爭相圍住CY，要求同佢合照，不停同特首講：「支持你」。

不過，其間有一個舉止極端的女士，唔停向CY爆粗，又詛咒CY全家；不過，特首仲好鎮定，繼續爭取機會了解民情，嗰個行為怪異的女子，最後自討沒趣咁離開。

好似特首自己喺facebook話，佢上任之後，不斷以不同方式落區，直接體察民情，因為輿情和民情往往有重大落差。開始的時候，反對派發起衝擊，有人攔車，有人聚眾堵塞馬路，有人擲雞蛋，CY的回應是：「犯法的，就要繩之於法。」結果是：犯法的人被判刑後不再犯法，官員則繼續落區，這是社會兼顧自由、民主和法治的應有發展。「大家已經知道，我和官員不會因為有人衝擊，就放棄落區，反對派的衝擊，已經大為收斂。」

街市飲下午茶 同市民傾偈

CY除咗探訪市民，仲跟進咗唔少《施政報告》嘅落實情況，例如視察大埔頌雅路嘅公屋地盤，呢個地盤前排響立法會畀人無故「拉布」拖延，幾經艱苦項目先可以通過，CY特登去視察，好明顯係對任內關心嘅公屋項目非常上心。之後特首又到粉嶺牽晴間旁嘅休憩用地，呢幅地係落實《施政報告》提出，等當區市民多一個地方可以運動和遛狗。

CY之後又探訪沙頭角的市民同視察唔同的公共設施，包括污水海底排放工程，以及房協新公屋「迎海樓」等，最後走到沙頭角碼頭同街市了解民情。特首還在沙頭角街市喝下午茶，零距離接觸市民，喝茶聊天，仲幫襯燒臘店，買咗半隻白切雞和半隻「白切鴨」。

【大公網】